កំសាន្តអារម្មណ៍

 

កូនប៉ា

—————————————————————————————————-

ក្រែងលោអ្ហែងច្រឡំ!!!

នៅក្នុងព្រៃមួយមានសត្វស្រមោចមួយក្បាលជាមួយនឹងដំរីមួយក្បាលជាមិត្តភ័ក្តនឹងគ្នា។
ថ្ងៃមួយដំរីនឹងស្រមោចបានទៅមុជទឹកជ្រោះជាមួយគ្នា ដំរីបានចុះទៅមុជទឹកមុនស្រមោច បានមួយសន្ទុះធំស្រាប់តែស្រមោចហៅដំរី៖
ស្រមោចៈ ​ ដំរីអើយ៎!!!
ដំរីៈ មានការអី?
ស្រមោចៈ ឡើងម៉ោនេះម៉ាភ្លេត
ដំរីឭមិត្តភ័ក្តហៅក៏ឡើង។ ស្រាប់តែមិនទាន់បានអីផងស្រមោចក៏ប្រាប់អោយដំរីចុះទៅវិញចុះ។ ដំរីឭដូច្នោះក៏សួរស្រមោច​៖
ដំរីៈ ចុះវាថីអ្ហែងបានជាម្តងហៅអញឡើង ដល់ទៅអញឡើងហើយអោយអញចុះវិញចឹង?
ស្រមោចៈ មិញអញបាត់ខោមុជទឹករកមិនឃើញ បំណងហៅអ្ហែងឡើងមើលៗគ្រែងលោអ្ហែងច្រលំខោរបស់អញ!!!
ដំរីៈ !!! 

————————————————————————————————–

គឺខ្ញុំ……

————————————————————————————————-

Child Brain

————————————————————————————————-

ខួបកំណើតជ្រូក

មានគ្រួសារជ្រូកមួយបានធ្វើពិធីខួបកំណើតឲកូនរបស់ខ្លួនហើយបានអញ្ជើញក្មេងៗរបស់ ​ញាតិមិត្តជិតខាងចូលរួមមានដូចជាកូនមាន់ កូនកណ្តុល កូនឆ្មា កូនឆ្កែ និងកូនគោ។ ក្រោយពិធីជប់លៀងរួចរាល់កូនសត្វទាំងអស់បានវិលត្រលប់មកផ្ទះរៀងៗខ្លួន។ ដំណាលពីកូនឆ្កែពេលមកដល់ផ្ទះមេរបស់វាសួរថា៖

មេឆ្កែៈ ម៉េចហើយកូនទៅខួបកំណើតរបស់កូនជ្រូកថ្ងៃនេះបានអីឆ្ងាញ់ខ្លះ?

កូនៈ មានអីទេម៉ែផ្ទះជ្រូកមានតែកន្ទួកបុកដើមចេកជាមួយបាយសល់ពីមនុស្សនឹង។

មេឆ្កែៈ ខ្ពើមណាស់កូនកុំនិយាយលឺៗពេកប៉ាកូនកំពុងពិសារអាចម៍……។
!!!!!!

————————————————————————————————-

ព្រឹត្តិការណ៍ថ្ងៃបើកប្រាក់ខែ

————————————————————————————————-

ក្រោកឈរបានជាគ្នា

នៅក្នុង​ថ្នាក់បឋមសិក្សា​មួយកន្លែង គ្រូ​ស្រី​ម្នាក់​កំពុង​បង្រៀន​មុខវិជ្ជា​ សិក្សា​សង្គម​ដល់​កូនសិស្ស​តូចៗ​ថ្នាក់​ទី ៣ របស់ខ្លួន​ ។

អ្នកគ្រូ : នៅក្នុង​បន្ទប់រៀន​យើង​នេះ មាន​ប្អូន​ណា​គិត​ខ្លួនឯង​ថា មនុស្ស​អាក្រក់ ចិត្ត​ខ្មៅ ដែល​សង្គម​គេ​មិន​ត្រូវការ​ទេ បើ​មាន​ឱ​ក្រោក ឈរឡើង ។

នៅក្នុង​បន្ទាប់​រៀន​ស្ងាត់ឈឹង​ ។ អ្នកគ្រូ​ឃើញ​ដូច្នេះ​ក៏​ញញឹម​ពេញចិត្ត ព្រោះ ​គិតថា កូនសិស្ស​យល់​ពី​មេរៀន ដឹង​អំពើ​ល្អ អាក្រក់ ប៉ុន្តែ​ ញញឹម​មិន​បាន​យូរ​ប៉ុន្មាន​ផង កូនសិស្ស​ប្រុស​ម្នាក់​ក៏​ក្រោកឈរ ឡើង ។​ ​អ្នកគ្រូ​ឃើញ​ដូច្នេះ ប្រញាប់​រួសរាន់​សួរ​ឡើងៈ

អ្នកគ្រូ : អូ​ហ៍ ប្អូន​គិតថា​ខ្លួនឯង​ជា​មនុស្ស​អាក្រក់​មែនទេ ?

ក្មេងប្រុស : អត់​ទេ​អ្នកគ្រូ !

អ្នកគ្រូ : ចុះ​ប្អូន​ក្រោកឈរ​ធ្វើ​អ្វី ?

ក្មេងប្រុស : ព្រោះ​ខ្ញុំ​នែ៎ ! អាណិត​អ្នកគ្រូ ឃើញ​អ្នកគ្រូ​ឈរ​តែម្នាក់ ឯង ហើយ​កូនសិស្ស​ក្នុង​ថ្នាក់​សុទ្ធ​តែ​មនុស្ស​ល្អៗ ។

អ្នកគ្រូ : អុ​ញ !

————————————————————————————————-

អ្នកដែលស្រាវជ្រាវឃើញទី្វបអាមេរិកជាលើកដំបូង

ក្នុងថ្នាក់រៀនបឋមសិក្សាមួយ  គ្រូបានសួរទៅកាន់កេ្មងស្រីម៉ាល័យថាៈ

គ្រូៈ មើលប្អូនម៉ាល័យ ប្អូនឡើងក្តារខៀន ហើយចង្អុលប្រាប់មិត្តភក្តិ មើលថាទី្វប​អាមេរិកនៅត្រង់ណាលើផែនទីនេះ?

បន្ទាប់ពីនោះ កេ្មងស្រីម៉ាល័យបានចង្អុលចំទីកនែ្លងត្រឹមត្រូវ គ្រូនិង បណ្តាមិត្តភក្តិ​ទះដៃកោតសរសើរ។ បន្ទាប់មកទៀតគ្រូបានសួរបន្តទៅកាន់កេ្មង ប្រុសតុំវិញម្តង៖

គ្រូៈ មើល!ប្អូនតុំ ដឹងទេថានរណាជាអ្នកស្រាវជ្រាវឃើញទី្វប អាមេរិកមុនដំបូងគេ?

កេ្មងប្រុសតុំៈ បាទអ្នកគ្រូ គឺកេ្មងស្រីម៉ាល័យ។

គ្រូៈ អុញ!

————————————————————————————————-

បណ្តាំពេទ្យ

ពូឃ្លាំងមានការបារម្ភយ៉ាងខ្លាំងចំពោះសុខភាពរបស់គាត់មួយថ្ងៃៗចេះតែទ្រុឌទ្រោម​ទៅៗ។ គាត់ក៏សំរេចចិត្តទៅពិគ្រោះយោបលជាមួយគ្រូពេទ្យនៅឯមណ្ឌលសុខភាព។

ពូឃ្លាំងៈ លោកគ្រូពេទ្យខ្ញុំបាទរាល់ថ្ងៃនេះមិនដឹងជាមានរោគអ្វីទេ ដេកមិនលក់សោះ​ទោះប្រឹងធ្មេចភ្នែកយ៉ាងណាក៏នៅតែមិនបានផលសោះឡើយ។

ពេទ្យៈ អូ! បើអីចឹងពូធ្វើតាមខ្ញុំចុះធានាថាពូពិតជាគេងលក់យ៉ាងរហ័ស។

ពូឃ្លាំងៈ ពិតមែនរឺ? បើអីចឹងសូមលោកគ្រូនិយាយមកចុះ!

ពេទ្យៈ នៅពេលលោកពូចូលដំណេក ពូត្រូវរាប់អោយគ្រប់ពី១ដល់១០០០នោះពូ​ប្រាកដជាគេងលក់យ៉ាងឆាប់រហ័សមិនខាន។

ពូឃ្លាំងៈ បាទ!​ លោកគ្រូពេទ្យ ខ្ញុំនឹងព្យាយាមធ្វើតាមការណែនាំនេះ។

៣ថ្ងៃក្រោយពូឃ្លាំងបានមកជួបលោកគ្រូពេទ្យម្តងទៀត។

គ្រូពេទ្យៈ យ៉ាងម៉េចហើយពូ លទ្ធផលយ៉ាងណាដែរចំពោះការណែនាំរបស់ខ្ញុំ?

ពូឃ្លាំងៈ បាទ! លោកគ្រូពេទ្យ ខ្ញុំនៅតែគេងមិនលក់ដដែលហើយកាន់តែយ៉ាប់ជាង​កាលពីមុនទៅទៀត។

គ្រូពេទ្យៈ ចុះពូមានរាប់ពី១ដល់១០០០រឺអត់?

ពូឃ្លាំងៈ បាទ! ខ្ញុំរាប់ហើយ តែពេលខ្ញុំរាប់ដល់លេខ​១៥០ ខ្ញុំក៏បើកភ្នែកលែងរួច។ ហេតុ​នេះខ្ញុំខ្លាចរាប់មិនគ្រប់ដល់១០០០តាមបណ្តាំរបស់លោក ខ្ញុំក៏ឆុងកាហ្វេផឹក១កែវ។​ ប៉ុន្តែដល់ខ្ញុំរាប់គ្រប់១០០០ សូម្បីតែស្ងាបក៏គ្មានដែរលោកគ្រូពេទ្យ។

គ្រូពេទ្យៈ ថាម៉េច????

————————————————————————————————-

រួចគ្នា

បុរសម្នាក់បានដើរសំដៅទៅផ្ទះសេដ្ឋីម៉ៅស្វិតម្នាក់យ៉ាងប្រញាប់ប្រញាល់។ ពេលទៅដល់មុខរបងផ្ទះ​សេដ្ឋី បុរសនោះបានចុចកណ្តឹងអោយបើកទ្វារ។

សេដ្ឋីៈ តើឯងមករកយើងមានការអ្វី?

បុរសៈ ខ្ញុំមកនេះគឺសុំអោយលោកជួយយកប្រពន្ធខ្ញុំទៅមន្ទីរពេទ្យ និងជួយចេញថ្លៃព្យាបាល​ផងព្រោះឆ្កែរបស់លោកបានខាំប្រពន្ធខ្ញុំនៅតាមផ្លូវ។

សេដ្ឋីៈ អឺ! មិនអីទេ បើអីចឹងឯងយកឆ្កែរបស់ឯងមកអោយខាំប្រពន្ធយើងវិញទៅគឺ​រួចគ្នាហើយ។ ឯងចង់អោយខាំប៉ុន្មានចង្កូមក៏បានដែរ យើងមិនថាអីទេ។

បុរសៈ ???????

————————————————————————————————-

ត្រូវធ្វើអ្វីតាមលំដាប់លំដោយ

ម៉ែៈ ចយ! ក្រែងម៉ាក់ប្រាប់ថាអោយលាងចាន ពេលធ្វើលំហាត់រួចមែនទេ?​ ឥឡូវចាន​នៅឱ្យស្រកាកពេញហ្នឹងដដែល ហើយបែរជាមកអង្គុយមើលទូរទស្សន៍ទៅវិញ។

ចយៈ មិនអីទេម៉ែ! ព្រោះខ្ញុំមិនទាន់បានធ្វើលំហាត់រួចឯណា…..

ម៉ែៈ !!!

————————————————————————————————-

ម៉ោងគណិតវិទ្យាមួយ

នៅម៉ោងគណិតវិទ្យាមួយ គ្រូបានលើកឧទាហរណ៍ងាយៗទៅកាន់សិស្ស៖

គ្រូៈ ឧបមាថាអ្នកគ្រូអោយឆ្កែ២ក្បាល ហើយអោយ២ក្បាលទៀត រួចហើយថែម២ក្បាល​ទៀតទៅប្អូន តើប្អូនមានឆ្កែទាំងអស់ប៉ុន្មានក្បាល?

ឆ្លូញៈ ប្រាំពីរក្បាល!

គ្រូៈ ស្តាប់ម្តងទៀតអោយច្បាស់ណា! ឧបមាថាអ្នកគ្រូអោយឆ្កែ២ក្បាល ហើយអោយ​២ក្បាលទៀត រួចហើយថែម២ក្បាល​ទៀតទៅប្អូន តើប្អូនមានឆ្កែទាំងអស់ប៉ុន្មានក្បាល?

ឆ្លូញៈ ប្រាំពីរក្បាល!

គ្រូៈ ឥឡូវអីចេះចុះ! ឧបមាថាអ្នកគ្រូអោយផ្លែប៉ោម២ផ្លែ ហើយអោយ២ផ្លែទៀត រួចថែម​២ផ្លែទៀតទៅប្អូន តើប្អូនមានផ្លែប៉ោមទាំងអស់ប៉ុន្មានផ្លែ?

ឆ្លូញៈ ប្រាំមួយផ្លែ!

គ្រូៈ ល្អ! ហើយចុះបើអ្នកគ្រូអោយឆ្កែ២ក្បាល ហើយអោយ​២ក្បាលទៀត រួចហើយថែម​២ក្បាល​ទៀតទៅប្អូន តើប្អូនមានឆ្កែទាំងអស់ប៉ុន្មានក្បាល?

ឆ្លូញៈ ប្រាំពីរក្បាល!

គ្រូៈ អញឆ្ងល់អ្ហែងដល់ហើយអាឆ្លូញ…អោយបូកប៉ុន្មានដងហើយនៅតែមិនត្រូវចឹងអ្ហះ?

ឆ្លូញៈ បាទ! ព្រោះខ្ញុំមានឆ្កែមួយក្បាលនៅផ្ទះស្រាប់ហើយ។

គ្រូៈ (sic!)

nay]tþmesnIy_ Kn; KIm GeBa¢IjcuHsYrsuxTukçkgTB½enAekaHBUlIév: nigekaHtag