ឆ្កែចិនមួយក្បាលនេះដែលមានភក្តីភាពចំពោះម្ចាស់របស់វាមិនព្រមដើរចេញពីកន្លែងបញ្ចុះសពម្ចាស់របស់វានោះទេ បើទោះបីជាវាមិនបានស៊ីអាហារអស់រយៈពេលមួយសប្តាហ៍ក៏ដោយ។
ឆ្កែតូចដែលមានរោមពណ៌លឿងនេះបានទៅកន្លែងផ្នូរសពម្ចាស់របស់វាស្ទើរតែរាល់ថ្ងៃអស់រយៈពេល១៤ឆ្នាំ។ នៅពេលវាទៅដល់កន្លែងផ្នូរសពនេះ វាដេកឬឈរនៅតែជិតកន្លែងបញ្ចុះសពម្ចាស់របស់វា បើទោះបីជាពេលខ្លះមានភ្លៀងធ្លាក់ក្តី។
ម្ចាស់របស់ឆ្កែដ៏ស្មោះត្រង់នេះឈ្មោះឡៅ ប៉ាន់ ដែលបានស្លាប់ក្នុងអាយុ៦៨ឆ្នាំនោះបានរស់នៅតែម្នាក់ឯកងក្នុងផ្ទះដ៏តូចមួយជាមួយឆ្កែនេះនៅក្នុងភូមិប៉ានជាទុន ក្នុងប្រទេសចិន ។
ដោយមានចិត្តអាណិតអាសូរចំពោះឆ្កែនេះ អ្នកភូមិម្នាក់ដែលរស់នៅក្នុងភូមិនេះដែរ បានសម្រេចចិត្តយកវាមកចិញ្ចឹម ប៉ុន្តែ វាបានរត់មករកកន្លែងផ្នូរសពរបស់ម្ចាស់វាវិញ បើទោះបីជាអ្នកភូមិនេះបានផ្តល់អាហារគ្រប់គ្រាន់សំរាប់វាក៏ដោយ។
ដោយសារតែវាចេះតែរស់មករកកន្លែងផ្នូរសពនេះដែលនាំអោយក្តីអាណិតកាន់តែខ្លាំងឡើងចំពោះវានោះ នៅទីបំផុត អ្នកភូមិនេះនិងមនុស្សដ៏ទៃទៀតដែលរស់នៅក្នុងភូមិនេះបានសុខចិត្តយកអាហារទៅអោយវា ហើយមានគំរោងសង់ខ្ទមតូចមួយនៅក្បែរផ្នូរនេះសំរាប់វាថែមទៀត៕
ហែន សុថារដ្ឋ
មិនមែនឆ្កែនេះយាមចាំផ្នូរអស់រយៈពេល ១៤ ឆ្នាំទេអី? តាមខ្ញុំអានដូចមិនអញ្ចឹងទេ។ http://www.huffingtonpost.com/2011/11/22/loyal-dog-refuses-leave_n_1107561.html?ref=mostpopular
ហាសហេ មកពីអ្នកស្លាប់កាលនៅរស់ជំពាក់លុយសុនខនោះ ទើបវាមិនទៅណាចាំទារលុយដែរជំពាក់មកវិញ
បើខ្ញុំវិញក៏អញ្ចឹងដែរ 
សួស្តីរីករាយដែរបានស្គាល់
ផ្នូអីថ្មីៗដូចទើបតែពូនម្សិលមិញចឹង ហែន សុថារដ្ឋ !? បាត់មុខពីសៃវៀនយូរហើយ ទើបតែឃើញ ! មុខនៅដដែល សក់នៅដដែល អាវហ្នឹងដដែល ពិតជាអស្ចារ្យមែន !
ខ្ញុំដកស្រង់ពីសារព័ត៌មានក្នុងស្រុកមួយ! ផ្នូរដែលមើលទៅឃើញដូចទើបពូនថ្មី មកពី កាមេរ៉ាគេល្អ ថតទៅឃើញច្បាស់….